ده العادى بتاعى

سلام عليكم 

 يُحزننى و يُدمى مٌقلتى الى باقوله ده
ولكن مش قادرةأكذب اكتر من كدة على نفسى


عمرى ما تخيلت و لو للحظة إنى اوصل للحالة دى




كل ما افتكر انى كنت ( و مازلت )  مضرب الامثال فى التفاؤل و البشاشة و المثالية


اه والله


اليائس يشكى لى 
و يقتبس شوية من إقبالى على الحياة 


و الحزين يحكى لى
و يقتبس شوية من سعادتى 


و الجازع يكلمنى
و يقتبس جزء من قناعتى 


و المحتار يشاورنى
و يقتبس جرعة من حكمتى 






.....الخ




و كل من له حاجة يلجأ لى ( على اساس انى معجزة عصرى )


مش بأكسف حد و بأسمع و أجاوب بكل هدوء و تبسم يٌطمئن القلوب و يٌرضى العقول و الضمائر


و الكلام ده كان بيبقى صادق و طبيعى بالنسبة لى 


و لكن 






حالياً




ده مش الطبيعى و لا العـــــادى و لا النورمال  بتاعى


انا ما بقيتش كدة


حاسة انى بقيت النيجاتيف منى زمان


بعد ما كنت مصدر من مصادر  إشعاع  للطاقات الإيجابية 


اصبحت مركز لكل الطاقات السلبية 
تشاؤم

حزن

يأس

...الخ


من سوداويات الحياة 






نفسى 

اهرب بعيد عن الناس 
و من فوق اعلى جبل على وجه الارض


اصرخ بعلو صوتى 

و اقول الآه الى جوايا بقالها سنين 

من ظلم و غدر و كدب و ضياع 



من الآخر


انا تعبت